વર્ષાવિજ્ઞાન હોય કે ભારતીય હવામાન ખાતું હોય બધા એકી અવાજે આ વર્ષે સારા વરસાદની આશા વ્યકત કરી રહ્યા છે. પરંતુ આપણે રહ્યા કોઠાસુજ ધરાવતા ખેડૂત તેથી બધું  કાંઈ છાપાનું માની ન લઈએ એમાં અત્યારનો  સમય પણ આપણને ઘણું શીખવે છે  કે છાપું હોય  કે સોશિયલ મીડિયા બધા કઈ દુધે ધોયેલા નથી હોતા ?!  સોશિયલ મીડિયા તો સૌ અફવાનું પડીકું થતા જાય છે પણ વરસાદની વાત તો આપણને ગમે કારણ કે  વરસાદ આપણને ઈશ્વરની અનમોલ ભેટ છે . વરસાદનું ખાતું ભગવાને તેની પાસે રાખ્યું છે , પાણી આપણે બનાવતા નથી ઈશ્વર મોકલે છે તેથી પાણીના ટીપે ટીપાનું સાચું મુલ્ય ખેડૂત જ સમજી શકે . વરસાદના ટીપે ટીપાનો આપણે સંગ્રહ કરી લઈએ અને ટીપે ટીપે પાઈએ તો પછી આપણી ખેતીમાં આના જેવું બીજું શું રૂડું ગણાય.