ડ્રેગનફ્રૂટનું સંવર્ધન બીજથી તથા કટકા કલમથી થાય છે. બીજથી : પાકેલા ફ્લોના બીજને વાવીને ધરૂ તૈયાર કરવામાં આવે છે. આ રીતે તૈયાર થયેલા છોડનો વિકાસ, ઉત્પાદન તથા ફ્ળની ગુણવત્તા સરખી હોતી નથી તથા ફ્ળ બેસવાની શરૂઆત મોડી થાય છે તેથી બીજથી થતું પ્રસર્જન હિતાવહ નથી. કટકા કલમથી : મુખ્યત્વે ડ્રેગનફ્રૂટનું પ્રસર્જન કટકા કલમથી (stem cutting) કરવામાં આવે છે. સારી ગુણવત્તાવાળા ૧૫ થી ૩૦ સે.મી. લંબાઈના પરિપક્વ કટકા (segment) કાપવા અને વાવતા પહેલા ફૂગનાશક દવાના પાણીમાં બોળી, ૨ દિવસ છાયામાં સુકવી, પ્લાસ્ટિક બેગમાં અથવા ગાદીક્યારામાં વાવવામાં આવે છે. ડ્રેગનફ્રૂટનો છોડ ૧૫ થી ૪૦ રૂપિયામાં વેચાય છે.
