દોહન મશીન
આંચળને હથેળી વચ્ચે પકડી, મુઠી ઉઘાડ-બંધ કરી, પહેલા ઉપર અને પછી ધીરે ધીરે નીચે તરફ દબાણ આપતાં આપતાં દોહવાની આ રીત ઉત્તમ છે. આ જ રીતથી માલધારીઓ અને ખેડૂત ગૃહિણીઓએ દોહવાની ટેવ વિકસાવવી જોઇએ. “દોહન મશીન” થી દૂઝાણું દોહવામાં કઈ વાંધો ખરો ? કઈ વાંધો નહિ. મજૂરની ખેંચ વખતે બહુ જ ઉપયોગી થઇ શકે. વિજ્ઞાન જેમ જેમ આગળ વધતું જાય છે તેમ તેમ બીજા વ્યવસાયોની જેમ પશુપાલનમાં પણ યાંત્રીકરણ થવા લાગ્યું છે. મોટી ગૌશાળા કે તબેલામાં દૂજાણાની સંખ્યાં ખૂબ વધારે હોઇ, માણસો જ્યારે દોહનકાર્યમાં પહોંચી ન શકતા હોય ત્યાં યંત્રોથી દોહનકાર્ય શરું કરાયા છે. તેમાં પણ સિધ્ધાંત તો આનો આ જ છે. પટ્ટા દ્વારા નાનું દોહનયંત્ર આંચળને પકડીને અડાણ નીચે લટકી રહે તે રીતે જાનવરની પીઠ સાથે ફીટ કરી દેવાય છે. અને વીજળીની મદદથી આંચળ ઉપર ધીમું ધીમુ દબાણ અપાતું રહી, દોહન થતૂં રહે છે. આપણી પાસે જાજા દૂઝણા હોય તો દોહન મશીનનો જરૂર ઉપયોગ કરવો જોઈએ.
