ગુલાબી ઈયળના નર ફૂદાંને આકર્ષતા લ્યૂર સાથેના ફેરોમોન ટ્રેપ મોજણી અને નિગાહ અર્થે હેક્ટરે પાંચની સંખ્યામાં ગોઠવવા. જ્યારે ફૂદા ટ્રેપમાં પકડાવાની શરૂઆત થાય અને સતત ત્રણ દિવસ સુધી એક ટ્રેપમાં ૮ કે તેથી વધારે ફૂદા પકડાય એટલે આવા ટ્રેપ ૪૦ ની સંખ્યા પ્રમાણે પ્રતિ હેક્ટરે ગોઠવવા અને છેલ્લી વીણી સુધી રાખવા. અઠવાડીયાના અંતરે પકડાયેલ ફૂદાઓનો નિકાલ કરતા રહેવો અને કપાસના ટ્રેપની લ્યૂર (સેપ્ટા) દર ૨૧ દિવસે બદલવી. ખેતરમાં ફૂલ-ભમરી બેસવાની શરૂઆત થાય ત્યારથી દર અઠવાડિયે છૂટા-છવાયા ૨૦ છોડ પરથી ફૂલ- ભમરી, જીંડવાની ગણતરી કરવી અને તેમાંથી જાે ૧૦૦ ફૂલ-ભમરી, કે જીંડવા પૈકી દસમાં ગુલાબી ઇયળની હાજરી જાેવા મળે તો કીટનાશકનો છંટકાવ કરવો. સંભોગ વિક્ષેપનની પટ્ટીઓ એક હેક્ટર વિસ્તારમાં ૩૨૫ ના પ્રમાણમાં સરખા અંતરે અને મોટા વિસ્તારને આવરી લઈને ગોઠવવાથી સારા પરિણામ મેળવી શકાય.
સપ્રમાણ ખાતર અને પિયતથી આ જીવાતનો ઉપદ્રવ વધતો અટકાવી શકાય. છંટકાવ કરતાં પહેલાં કપાસના છોડ ઉપરથી વિકૃત થઇ ગયેલા ફૂલ/ભમરી/જીંડવા તોડી લઇ ઇયળ સહિત ક્ષમ્યમાત્રાને અનુસરી ક્વિનાલફોસ .૨૫ ઇસી 30 મીલિ અથવા ક્લોરપાયરીફોસ ૨૦ ઇસી 30 મીલિ અથવા પ્રોફેનોફોસ ૫૦ ઇસી 15 મીલિ અથવા સ્પીનોસાડ ૪૫ એસસી 06 મીલિ અથવા એમામેક્ટિીન બેન્ઝોએટ ૫ એસજી 06 ગ્રામ અથવા ઇન્ડોક્ઝાકાર્બ ૧૫.૮ ઇસી 08 મીલિ અથવા ક્લોરપાયરીફોસ ૧૬% આલ્ફાસાયપરમેથ્રીન ૧% ઇસી 15 મીલિ અથવા ફેનપ્રોપેથ્રીન ૩૦ ઇસી 15 મીલિ અથવા ક્લોરપાયરીફોસ ૫૦% સાયપરમેથ્રીન ૫% ઇસી 15 મીલિ અથવા થાયોડીકાર્બ ૭૫ વેપા 15 ગ્રામ 15 લિટર પાણીમાં ભેળવી વારાફરતી છંટકાવ કરવો
