આપણે ત્યાં અનુમાન થી મગફળીના થોડા છોડવા ઉપાડીને પોપટા ગણીને અંદાજ કરવામાં આવે છે કે આ વીઘા માંથી કેટલી મગફળીનો ઉતારો આવશે? હવેનો યુગ બદલાયો છે. બટેટા જેવા જમીનમાં ઉગતા પાકમાં એક પણ છોડવો ખોદયા વગર કેટલો ઉતારો આવશે તે કહેવાનું વિજ્ઞાન એટલે કે એઆઈ ટેક્નોલોજી આવી છે. યુનિવર્સિટી ઓફ ટોક્યો ગ્રેજ્યુએટ સ્કૂલ ઓફ એગ્રીકલ્ચરલ એન્ડ લાઈફ સાયન્સીસ અને કુબોટા કોર્પોરેશનના સંશોધકોએ ડ્રોન-આધારિત એક એવી AI (આર્ટિફિશિયલ ઇન્ટેલિજન્સ) સિસ્ટમ વિકસાવી છે, જે છોડને જમીનમાંથી ખોદ્યા વગર જ જમીનની અંદર રહેલા બટાકાના ટ્યુબર (ગાંઠ)ના બાયોમાસ (વજન/જથ્થો)નો અંદાજ લગાવે છે અને લણણીના પાક ઉત્પાદનની આગાહી કરે છે. આ કામગીરી સંયુક્ત ‘કુબોટા તોડાઈ લેબ’ પહેલ હેઠળ કરવામાં આવી છે .
આ સિસ્ટમમાં પાક ઉગાડવાની આખી સીઝન દરમિયાન નિયમિત અંતરે બટાકાના ખેતરોના કેમેરાથી સજ્જ ડ્રોનનો ઉપયોગ કરવામાં આવે છે. તે તસવીરો પ્લાન્ટ કવર રેશિયો (છોડનો ઘેરાવો), કેનોપી હાઇટ (છોડની ઊંચાઈ), કલર ઇન્ડાઇસીસ (રંગ સૂચકાંકો) અને વેજીટેશન ઇન્ડાઇસીસ (વનસ્પતિ સૂચકાંકો) મેળવે છે. એક મશીન લર્નિંગ મોડેલ દ્વારાબટાકાના બાયોમાસનો અંદાજ લગાવે છે. પ્રિસિઝન એગ્રીકલ્ચર (ચોકસાઈપૂર્વકની ખેતી) માં ડ્રોન-આધારિત રિમોટ સેન્સિંગ અને AI ના ઉપયોગ તદ્દન નવીન છે .