ટ્ટ્રાન્સલેમિનાર (જેનો અર્થ થાય છે “પાંદડાની આરપાર”) આ જંતુનાશક પાંદડા પર છાંટવામાં આવે તેવી તે પાનની પેશીઓમાં શોષાઈ જાય છે, પરંતુ તે છોડની વાહક પેશીઓ દ્વારા આખા છોડમાં ફેલાતી નથી. જો તમે પાંદડાની ઉપરની સપાટી પર છંટકાવ કરો છો, તો ટ્રાન્સલેમિનાર જંતુનાશક પાંદડાની સપાટીને ભેદીને પેશીઓ મારફતે એ જ પાંદડાની નીચેની સપાટી સુધી પહોંચે છે. તે પાંદડાની પેશીઓની અંદર જ ઝેરનો સંગ્રહ બનાવે છે કારણ કે તે છોડની વાહક પેશીઓમાં પ્રવેશ કરતું નથી, તેથી તે અન્ય પાંદડા, પ્રકાંડ અથવા મૂળ સુધી જતું નથી. છંટકાવ કર્યા પછી જે પણ નવી ફૂટ કે પાન આવશે તેને આ દવાનું રક્ષણ મળશે નહીં. તેનો માત્ર પાંદડા પર સીધો છંટકાવ જ કરવો પડે છે. આ દવા જમીનમાં આપવાથી (ડ્રેન્ચિંગ) માટે પણ કામ કરશે નહીં.એવી જીવાતો જે પાંદડાની નીચે સંતાયેલી હોય જ્યાં સ્પ્રે પહોંચવો મુશ્કેલ હોય, અથવા એવી જીવાતો જે સીધી છોડની પેશીઓની અંદર જ ખાય છે, જેમ કે પાન કોરિયું અને પાન કથીરી માટે સારી છે .
