આપણે આપણી નજર ખોટ્ટી ભાવ ઉપર ટકાવી છે ખરેખર આપણે આપણી ખેતીમાં એકમ વિસ્તાર દીઠ ઉત્પાદન વધારવાની જરૂર છે .ગયા વર્ષ કરતા આપણે એકમ વિસ્તાર દીઠ પાંચ મણિકા વધુ ઉતારો મળે તો માલ વેચવા જાવ ત્યારે વીઘા દીઠ આવક વધુ થઇ ગણાય , જેવું આ વર્ષે બોલગાર્ડ કપાસ માં સારુ થયું છે એટલે બોલગાર્ડ કપાસની ખેતી આવતા વર્ષે પણ વધવાની. ખેતીની ટેક્નોલોજી સમજવી પડશે, આપણા પાકને આઘાતો થી બચાવવો પડશે. ઉત્પાદન લેવા પોષણ આપવું પડશે, ઓછા ખર્ચે ઇઝરાયેલની જેમ વધુ મણિકા પેદા કરી ખેતી કરવી પડશે. એવું થાય તો ભાવની તો એસીતેસી .આ કરવા માટે રોજ તમારે ખેતીને લાગતું એક કલાકનું વાંચન કે સેમિનાર કે કૃષિ વિજ્ઞાન જેવા માસિકના ટેલિગ્રામ ચેનલમાં જોડાઈને માહિતી મેળવવી પડશે . આસપાસના ખેડૂત મિત્રોનું સહકાર ગ્રુપ બનાવી દર શુક્રવારે ફરતી ફરતી મિટિંગ કરીને પ્રવર્તમાન હવામાનની સ્થિતિમાં કઈ દવાના સારા પરિણામ છે તે ચર્ચા કરીને વધારાના ખોટા ખર્ચમાંથી બચવું પડશે , અત્યારથીજ આવતા વર્ષ માટે દેશી ખાતરની વ્યવસ્થામાં લાગી જવું પડે ભાઈઓ .. તમારી સિમ નું એક સહકાર ગ્રુપ બનાવો .
