કાર્ય પધ્ધતિ:
ટેબુકોનાઝોલ શોષક અને ટ્રાયાઝોલ સંયોજનનુંફૂગનાશક છે. ડી- મિથાઇલેશન અવરોધક ફૂગ સેલ દિવાલનુંમાળખુંબનાવવાની પ્રક્રિયામાંદખલ કરે છે અને ફૂગના પ્રજનન તથા વૃધ્ધિને રોકે છે. તે ઘણા બધા રોગ સામે રક્ષણાત્મક, રોગહર અને ઉન્મૂલનાત્મક એટલે કે જડમૂળથી ઉખેડી નાબૂદ કરવાની અસર ધરાવે છે. તે પાક વૃદ્ધિકારક અસર ધરાવે છે અને ઉત્પાદનની ગુણવત્તા સુધારે છે. તે ફૂગના કોષોનાં કોષાવરણમાં જરૂરી એવા પિતઘનના સંલેષણની પ્રક્રિયાને અવરોધીને ફૂગનો વિકાસ અટકાવે છે.
આ ફૂગનાશક ઉમાઇસેટ્સ જૂથ સિવાયની ફૂગોના બધા જ મુખ્ય જૂથો (એસ્કોમાયકોટા, ડ્યુટેરોમાયકોટા, બેસીડીયોમાયકોટા) સામે રક્ષણ આપે છે.
બનાવટો :
ટેબુકોનાઝોલ બજારમાં ૨% ડીએસ (બિયારણને સૂકી માવજત આપવા માટે ભૂકારૂપ સ્વરૂપ), ૫.૩૬% એફએસ (ફ્લોવેબલ સસ્પેન્સન એટલે કે સહેલાઇથી પ્રવાહ થઇ શકે તેવુ સસ્પેન્સન), ૨૫.૯% ઈસી (ઇમલ્સીફાએબલ કોન્સેન્ટ્રેટ/પ્રવાહી સ્વરૂપ) અને ૨૫% ડબલ્યુજી (વેટેબલ ગ્રેન્યુલ્સ) ના સ્વરૂપે મળે છે.
વ્યાપારી નામો :
ટેબુકોનાઝોલ બજારમાં ૨% ડીએસ (રેક્ષીલ, સીડટેક), ૫.૩૬% એફએસ (રેક્ષીલ ઇઝી), ૨૫.૯% ઈસી (ફોલીક્યુર, ઓરીયસ, ક્્યોર, ડેલફ્લ્યુ, વોરીયર, દેવીક્્યોર) અને ૨૫% ડબલ્યુજી (બઝ, કેવિએટ) જેવા બજારૂંનામે મળે છે.
ઉપયોગ માટે ભલામણ:
સેન્ટ્રલ ઇન્સેક્ટીસાઇડ બોર્ડ મુજબ : ઘઉં (અનાવૃત અંગારીયો, ધ્વજ અંગારીયો), મગફળી (ઉગસુકનો રોગ, મૂળખાઈ, થડનો કોહવારો, ટીક્કા/ પાનનાં ટપકાં ગેરૂ), મરચી (કાલવ્રણ, ભૂકી છારો), ડાંગર (કરમોડી, પાનનાં પર્ણ છેદનો સૂકારો), ડુંગળી (જાંબલી ધાબા) વગેરે રોગોના નિયંત્રણમાં વપરાય છે.
ઉપયોગ માટે ભલામણ:
કૃષિ યુનિવર્સિટીની ભલામણ મુજબ મકાઈ (માયડીસ લીફ બ્લાઈટ), મગફળી (ઉગસુકનો રોગ, થડનો સડો, ટીક્કા, ગેરૂ) વિગેરે પાકમાં રોગોનાં નિયંત્રણ માટે બીજ માવજત/ છંટકાવની ભલામણ થયેલ છે. સામાન્ય રીતે બીજજન્ય રોગોના નિયંત્રણ માટે ટેબુકોનાઝોલ ૧.૨૫ ગ્રામ પ્રતિ qકલો બીજ પ્રમાણે બીજ માવજત આપવામા આવે છે. તેનો છંટકાવ ૧૦-૧૫ મિલિ અથવા ગ્રામ/૧૦ લિટર પાણી પ્રમાણે કરવામાં આવે છે.