મરચીના પાકમાં નિંદામણ નિયંત્રણ માટેની ભલામણો :
મરચીના પાકમાં નીંદામણના યોગ્ય અને સમયસર નિયંત્રણ માટે ખેડૂત મિત્રો ફેરરોપણી પહેલાં ચોક્કસ દવાઓનો ઉપયોગ કરી શકે છે. આ માટે પેન્ડીમીથાલીન (સ્ટોમ્પ ૩૦% ઈસી) નામની દવા પ્રતિ હેક્ટરે ૦.૯૦૦ કિ.ગ્રા. (૩.૦૦૦ લિટર) પ્રમાણમાં વાપરી શકાય છે. જો તમે ૧૫ લિટરના પંપથી છંટકાવ કરવા માંગતા હોવ, તો તેમાં ૯૦ મિ.લિ. દવા નાખીને ફેરરોપણી પહેલાં છંટકાવ કરવો યોગ્ય રહે છે.
આ ઉપરાંત, બીજી એક અસરકારક દવા ઓક્સાડાયાઝોન (રોનસ્ટાર ૨૫% ઈસી) પણ ઉપલબ્ધ છે, જેને પ્રતિ હેક્ટરે ૦.૭૫૦ કિ.ગ્રા. (૩.૦૦૦ લિટર) અથવા ૧૫ લિટર પાણીના પંપમાં ૯૦ મિ.લિ. નાખીને ફેરરોપણી અગાઉ છાંટી શકાય છે. આ દવાઓનો યોગ્ય સમયે ઉપયોગ કરવાથી નીંદામણનો ઉપદ્રવ અટકાવી શકાય છે અને મરચીના પાકનો સારો વિકાસ થાય છે.
– સાભાર – ડો. આર. કે. માથુકીયા, નિંદાણ નિયંત્રણ યોજના,
