એપીરીકેનીયા મેલાનોલ્યુકા : શેરડોના પાયરીલાના જૈવિક નિયંત્રણમાં બાહ્યપરજીવી એપીરીકેનીયા મેલાનોલ્યુકાનો ફાળો અગત્યનો છે. આ કીટક રોમપક્ષી બાહ્ય પરોપજીવી છે. પુખ્ત કીટક કાળા રંગનું હોય છે જે કોશેટામાંથી નીકળ્યા બાદ કોશેટા પાસે જ બેસી રહે છે. ઈંડામાંથી નીકળેલ ઈયળ ખુબ જ નાની, આછા પીળા રંગની અને પ્રમાણમાં મોટા માથાવાળી હોય છે. જે ચપળતાથી યજમાન પાયરીલાની શોધમાં ફરતી રહે છે. પાયરીલાના શરીર સાથે ચોંટેલી ભમરી ઈયળનો રંગ શરૂઆતમાં રતાશ પડતો હોય છે, પરંતુ મોટી થતા તેના શરીર પર સફેદ પાવડર જેવા આવરણને કારણે તે સફેદ રંગની દેખાય છે.
