મનુષ્યનો પોતાના શરીરના સ્વાસ્થ્ય માટે જોઈએ જરૂરી લિપિડ એટલે કે ફેટ અને ઓઇલ , પ્રોટીન, કાર્બોહાઈડ્રેડ, વિટામિન, મિનરલ અને પાણી. આ બધું લેબમાં કે ફેકટરીમાં બને તેવું વૈજ્ઞાનિકો નવુજ હટકે વિચારી રહ્યા છે એ લોકો વિચારે છે કે 2050 સુધીમાં ફૂડ લેબ માં કેમ પેદા ન થાય ? અંતે તો મનુષ્યને જીવવા માટે જરૂરી પ્રોટીન , વિટામિન અને મિનરલ જોઈએ છે તો આ પ્રોટીન, વિટામિન અને મિનરલ ફેકટરીમાં પેદા કરીને મનુષ્યને મળે તો ? તમને થશે એવું થોડું થાય ? તમને આશ્ચર્ય થાય તેવી વાત નોંધો કે હવામાંથી પોષણ લઈને બેક્ટેરિયા સાથે મિલન કરી ફૂડ પેદા કરતી કંપની ફિનલેન્ડ મા સ્થપાઈ છે . હોલેન્ડ વળી એનાથી આગળનું વિચાર્યું છે અમુક ઇન્સેક્ટ માં પ્રોટીનની માત્રા ખુબ હોય છે તેનું લેબમાં ઉત્પાદન કરીને ઇન્સેક્ટમાંથી પ્રોટીન છૂટું પાડી તેની પ્રોટીન ચિપ્સ આજે વિદેશમાં વેચાય છે .અમેરિકા એ તો એનાથી મોટી શોધ કરી છે . ચિકન એટલેકે મરઘી ખાવા માટે હવે મરઘાં પાલન કરીને મરઘા કે પશુની કતલ કરવું નહિ પડે લેબમાં વિટ્રો મેથડ દ્વારા અદલો અદલ ચિકન જેવું જ ચિકન, લેબગ્રોન મિટ એટલે કે માંસ પણ વગર પ્રાણીને માર્યા વગર લેબમાં પેદા કરી બતાવ્યું છે. એક કેળું ખાવાથી જેટલું આયર્ન મળે તેટલું આયર્ન લેબમાં બનાવી એની ટીકડી ખાઈ લો આજની જરૂરિયાત પુરી ? ટૂંકમાં દુનિયા લાગી છે ભવિષ્યમાં ખેતરની જરૂર ન પડે તેવા સંશોધનમાં. શું ખોરાક ફેકટરીમા બનશે ? શું આ માં સફળતા મળશે ? પૂછો ગૂગલને !