કાર્ય પધ્ધતિ :
ડાયફેનોકોનાઝોલ, એક શોષક ફૂગનાશક છે અને રોગ નિવારક તથા રોગહર અસર (Preventive and curative action) ધરાવે છે જે ફૂગના કોષોના બાહ્યાવરણમાં થતી પિત્તઘન (સ્ટીરોલ) દ્રવ્યોના જૈવ સંશ્લેષણની પ્રક્રિયાને અવરોધે છે જેથી ફૂગનો વિકાસ અટકે છે. ડાયફેનોકોનાઝોલનુ પાન દ્વારા અવશોષણ થઈ ઉપરની તરફ સ્થળાંતર કરે છે તેમજ પાનમાં શક્તિશાળી પડ-પ્રસારણ સ્થાનાંતરણ (Strong translaminar translocation) થાય છે.
આ ફૂગનાશક ઉમાઇસેટ્સ જૂથ સિવાયની ફૂગોના બધા જ મુખ્ય જૂથો (એસ્કોમાયકોટા, ડ્યુટેરોમાયકોટા, બેસીડીયોમાયકોટા) સામે રક્ષણ આપે છે.
બનાવટો :
ડાયફેનોકોનાઝોલ બજારમાં ૩% ડબલ્યુએસ (વોટર સોલ્યુબલ એટલે કે પાણીમાં ઓગળી શકે તેવાં અને ૨૫% ઈસી (ઇમલ્સીફાએબલ કોન્સેન્ટ્રેટ/પ્રવાહી સ્વરૂપ) ના સ્વરૂપે મળે છે.
વ્યાપારી નામો :
બજારમાં તે ૩% ડબલ્યુએસ (ડીવીડેન્ડ) અને ૨૫% ઈસી (સ્કોર, ઓલાન્ડેર, કરારા, ઇનડ્રીમ, રીડીમ, ડિટેક્ટ, ડેબ્યુ) જેવા બજારૂં નામે મળે છે.
ઉપયોગ માટે ભલામણ: સેન્ટ્રલ ઇન્સેક્ટીસાઇડ બોર્ડ (ઈઇંઇ) મુજબ ઘઉં (અનાવૃત અંગારીયો), ડાંગર (પર્ણછેદનો સૂકારો), મરચી (અવરોહ મૃત્યુ, કાલવ્રણ), ડુંગળી (જાંબલી ધાબા), દાડમ (ફળનો સડો) અને જીરૂ (કાળી ચરમી, ભૂકી છારો) વગેરે રોગોના નિયંત્રણમાંવપરાય છે.
ઉપયોગ માટે ભલામણ :
(ગુજરાતની કૃષિ યુનિવર્સિટીની ભલામણો મુજબ) આપણે ત્યાં ધાણા, જીરૂ (ભૂકી છારો), મગફળી (ઓલ્ટરનેરીયાથી થતા પાનનાં ટપકાં પાકમાં રોગોનાં નિયંત્રણ માટે છંટકાવની ભલામણ થયેલ છે. સામાન્ય રીતે ડાયફેનોકોનાઝોલનો ૫-૧૦ મિ.લિ. પ્રતિ ૧૦ લિટર પાણીમાં ભેળવી છંટકાવ કરવામાં આવે છે.