વાવણી પછી બધા જ નિરાંતમાં છે. શ્રાવણ મહિનો બેઠો છે એટલે ભક્તિનું પૂર આવ્યું છે . વરસાદને લીધે બધી મોલાત લીલીછમ્મ થઈ ગઈ છે બધા જ સારા બિયારણની પસંદગી કરીને ખુશ છે બધા બિયારણ સારી રીતે ઉગી બેઠા થઇ ગયા છે . આપણને ખબર છે કે આ એકવીસમી સદીમાં આવી રહેલી નવી નવી ટેકનોલોજી કુદકેને ભૂસકે વધતી જાય છે કદમ સાથે કદમ ન મિલાવ્યા તો પાછળ રહી જઈએ , હવે તો મોબાઈલમાં એ આઈ અને ચેટજીપીટી આવ્યું છે . શું છે આ એ આઈ અને ચેટ જીપીટી ? તેની વાતો હવે તમને મારે જણાવવી છે .આ કોલમ તમે હવે નિયમિત વાંચતા રહેજો .આપણી ખેતીમાં ટેક્નોલોજીને લીધે શું ફેરફાર આવશે તેની વાતો હવે આપણે કરીશું . સાંભળો માંડીને વાત કરું , ટેકનોલોજી એટલી ઝડપથી બદલી રહી છે. નવો જમાનો કેવો હશે અને દુનિયા ક્યાં પહોંચી છે તેની માંડીને દર અઠવાડિયે થોડી વાત કરશું . હું તમને મોબાઈલ અને લેપટોપ નું મારુ ખુદનું ઉદાહરણ આપું. થોડા વર્ષો પહેલા મેં જે લેપટોપ અને મોબાઇલ ફોન લીધો ત્યારે મને એમ કે મારી આ ખરીદી જીવનભર માટે હશે પણ ના, ચાર વર્ષમાં તેનું નવું અપગ્રેડ વર્ઝન બજારમાં આવી ગયું થોડા વર્ષમાં જૂનું થઈ જાય બોલો .મારે અત્યારે નવું લેપટોપ લેવું પડ્યું ..
