કપાસ આ વર્ષે સારા છે પરંતુ હજુ ગુલાબી ઈયળ માટે એટલું નોંધી લ્યો કે ગુલાબી ઈયળ કપાસના ખેતરમાં આવવાનો સાચો સમય તો ઓક્ટોબર નવેમ્બર છે. કારણ કે ભૂર પવન વાય ત્યારે તમારી જમીનમાં પડેલા કોસેટા આળશ મરડીને એટલેકે ઠંડી પડવાનું શરૂ થાય ત્યારે સુશુપ્ત અવસ્થામાં પડેલી ગુલાબી ઈયળ કુદા તરીકે બહાર આવે છે. ગુલાબી ઈયળની ચડાઈ કરવાનું હજુ બાકી છે, વાવણી પછી ક્યાંક ગુલાબી ઈયળની આત્મધાતી પેઢી દેખાયેલી હતી. એટલે યાદ રાખજો કે કપાસમાં બહુ કુણપ લાવશો તો ફાલ મોડો બેસશે અને એવુ થયું તો તે ફાલ તમે બચાવી શકશો નહિ એટલે અત્યાર થી જ કપાસમાં ફાલ લાગે તેને બચાવો, ઝડપથી જીંડવા તૈયાર થઈ જાય તેવું કરો. ટુકમાં કપાસ એવો કરો કે ઠંડી પડે તે પહેલા પહેલા જેટલા જીંડવા તમારા કપાસના છોડમાં છે તે તમારા થઈ જાય. આજથી જ કરો તૈયારી
