સબસોઈલર એક દાતી વાળું અને ટ્રેકટર દ્વારા કામ કરતું ખેડનું સાધન છે.
સબસોઈલર દ્વારા ચાસમાં ઊંડે સુધી ખેડ થાય છે. દા.ત. પરંપરાગત રીતે વાપરતી કરબડી-ડીસ્ક હેરો-રોટરી ટીલરથી ૧૫ થી ૩૦ સેમી એટલે કે ૬ થી ૮ઈંચની જમીનની ઊંડી ખેડ થાય છે. જયારે ટ્રેકટરથી ચાલતા આ સબસોઈલરથી ૩૦ સેમી એટલે કે ૧૨ ઈંચ ઉંડે સુધી ચાસમાં ઉંડી ખેડ થાય. જયાં જમીન કઠણ હોય, નીચેનો ડાર્કપાન કઠણ હોવાને લીધે પાણીનું વહન થતું ન હોય. નીચેના કઠણ હાડપાનને લીધે વરસાદ પછી પાણી જમીનમાં ભરાય રહેતું હોય, વધુ વરસાદ વખતે પાલરપાણી ઉતારીએ નહિ તો છોડ સુકાય જતા હોય તો સમજવું કે તમારી જમીન અંદરથી કઠણ થઈ ગઈ છે.
કપાસની વાત કરીએ તો કપાસના છોડના મૂળને ભેજ અને પોષણ મેળવવામાં છોડને મુશ્કેલી પડતી હોય છે. કારણ કે ૬ થી ૮ ઈંચ પછી જમીન કઠણ આવી જાય છે તેથી છોડને વાંરવાર પાણી આપવું પડતું હોય, કપાસનાછોડની પાણીની જરૂરીયાત વધે, જીંડવા લાગી જાય પછી પોષણની જરૂર પડે તેવા સમય મૂળ છીછરા હોય ત્યારે વારંવાર પાણી આપવું પડે તેમ છતા વચ્ચે વચ્ચે ખેંચ પડી જતી હોય ત્યારે છોડ જમીન મૂકી દે અને છોડ સુકાઈ જતા હોય છે. તો તમારે સબસોઈલરથી ખેડ કરાવવાની જરૂર છે. સબસોઈલર ચાસમાં ચલાવવાથી જમીનમાં ૧૨ ઈંચ સુધી છોડના મૂળ વિકસે છે, છોડના મૂળ ઉંડે સુધી જઈ શકે છે.ભેજ પણ ઉંડે સુધી સચવાયેલો રહેતો હોવાથી છોડ વધુ પોષક તત્વો ખેંચી શકે છે, વરસાદનું પાણી પણ જમીનમાં ઉતરે છે. તેથી ભેજ લાંબો સમય ટકે છે. ગુજરાતની ખેતીમાં આખી જમીન લુઝ થઈ જાય તેવી ઉંડી ખેડ, પલ્ટી મારવાની જરૂર નથી. જરૂર છે નીચેના હાર્ડપાનમાં સબસોઈલર દ્વારા તોડવાની જેને લીધે છોડને જમીનનો સપોર્ટ એમ જ રહે છે. પરંતુ મૂળને વિકસવામાં ફાયદો થાય છે. ટુંકમાં ગુજરાતના ખેડૂતો કહે છે તેમ જમીન ઘડે રહે છે. પણ મૂળ વિકાસની શકયતા વધી જાય છે.
