હવે વાત કરીએ આ 108 જાતની મરચીમા નાગભાઈને ત્યાં જોવા મળેલ અવલોકન. એકી સાથે વાવેતર થયેલા આ 108 મરચાના પ્લોટમાં નિરીક્ષણ કરતા એવું જોવા મળ્યું કે જે મરચાનો રંગ પીળાશ પડતો હતો એ બધીજ વેરાઈટીઓમાં જીવાતનું પ્રમાણ અન્ય વેરાઈટીઓ કરતા વધારે જોવા મળ્યું. દેશી ટાઈપની મરચાની વેરાઈટીઓ હતી તેમાં લાલ મરચા થયા બાદ ફોરવર્ડ એટલે કે બગાડ વધારે જોવા મળ્યો. G4 ટાઈપની વેરાઈટીમાં રોગ જીવાત એકદમ ઓછા સામે મજૂરી ખર્ચ થોડો લાગ્યો. જે ખેડૂતોને ફક્ત લાલ જ મરચાં કરવા છે એવા ખેડૂતોએ ઘાટા પોપટિયા રંગનું મરચું વધારે પસંદ કરવું. જે ખેડૂતને લાલ અને લીલા બંને કરવા છે એવા ખેડૂતોએ સિંગલ પટ્ટો એટલે કે ઘાટા લીલા રંગનું મરચું . જે ખેડૂતે લીલા મરચા વેચવા છે અથવા અથાણીયા લાલ કરવા છે તેણે 2401 સેગ્મેન્ટ નું મરચું પસંદ કરવું અને જે ખેડૂતોએ પોતેજ રિટેલ વેચાણ કરવું છે એવા ખેડૂતોએ કાશ્મીરી સિગમેન્ટ વાળું મરચું બ્લેન્ડ કરવા થોડું પસંદ કરવુ. પોતાના ખેતરમાં એક જાત ન વાવવી પણ એક કરતા વધારે જાત વાવવી.