કાર્ય પધ્ધતિ :
“પ્રોપીનેબ’ એ ડાયથાયોકાર્બામેટ્સ જુથના ફૂગનાશકોમાં સમાવેશ થતું અગત્યનું બિનશોષક પ્રકારનું ફૂગનાશક છે. પ્રોપીનેબ ફૂગના ચયાપચયના વિવિધ સ્થાનો જેવા કે કોષકલા /કોષત્વચામાં કાર્બોહાઈડ્રેટ્સ અને પ્રોટીન દ્રવ્યોના ચયાપચયમાં શ્વસન શૃંખલાના ઘણા બધા પોઇન્ટ્સ પર દખલ કરે છે. પ્રોપેનેબની બહુ-સ્થાનિય સંપર્ક અસરના કારણે ફૂગ સામે પ્રતિકારનો વિકાસ અટકાવે છે.
બનાવટો :
પ્રોપીનેબ બજારમાં૭૦% ડબલ્યુપી (વેટેબલ પાઉડર એટલે કે પાણીમાં ભીંજવી શકાય તેવા ભૂકારૂપ)ના સ્વરૂપે ઉપલબ્ધ છે.
વ્યાપારી નામો :
પ્રોપીનેબ બજારમાં એન્ટ્રાકોલ, પ્રોક્ષીમેઇન, સાનીપેબ, ડોલ્બી, આરૂશ, સ્કેલ અને દેવીટ્રેક જેવા બજારૂં નામે મળે છે.
ઉપયોગ માટે ભલામણ:
સેન્ટ્રલ ઇન્સેક્ટીસાઇડ બોર્ડ (ઈઇંઇ) મુજબ : દાડમ (પાનનાં અને ફળના ટપકાં, બટાટા (આગોતરો અને પાછોતરો સૂકારો), મરચી (ડાયબેક), ટામેટી (બકઆઈ રોટ) અને ડાંગર (પાનના ભૂખરા ટપકાં વગેરે રોગોના નિયંત્રણમાં વપરાય છે.
ઉપયોગ માટે ભલામણ
(ગુજરાતની કૃષિ યુનિવર્સિટીની ભલામણો મુજબ): આપણે ત્યાં કૃષિ યુનિવર્સિટીઓના જુદા જુદા સંશોધન કેન્દ્રો ખાતેથી તમાકુ (સફેદ ચાંડી), જીરૂ (ચરમી), બટાટા (આગોતરો સૂકારો) પાકમાં રોગોનાં નિયંત્રણ માટે છંટકાવની ભલામણ થયેલ છે. સામાન્ય રીતે પ્રોપીનેબનો ૩૦ ગ્રામ પ્રતિ ૧૦ લિટર પાણીમાં ભેળવી છંટકાવ કરવામાં આવે છે.