પક્ષીના માળા ગામડામાં નિશાળિયાનું ઉનાળાનું વેકેશન એટલે ચૈત્રવૈશાખનો ધોમ ધખતો માથું ફાડી નાખે એવો તાપનો ગોળો હોય ! બસ ! ટીટોડીની ઈંડા મૂકવાની આ જ સીઝન ! બીજા પંખીઓનું તમે જોજો ! “બચ્ચાં ઉછેર”” પૂરતો જરા વિશિષ્ટ સગવડવાળો માળો બનાવતાં હોય છે. અને એને બનાવવાની સામગ્રી પણ પોતાની પસંદગીના સુંવાળા પદાર્થો વાળી શોધે છે. જેવીકે કોઈ સળી સાંઠીકડા કે લીલાં – સૂકાં પાંદડાનો ઉપયોગ કરતા હોય તો કોઈ રૂ, ઉન, રેસા, દોરા, વાળ કે કપડાના લીરા, પીંછાથી કામ રોડવતા હોય. અરે ! કોઈ કોઈ તો ચરક, માટી, છાણ, ગુંદર કે દૂધ વગેરેના ઉપયોગથી અનેક રીત અજમાવતા હોય છે. સ્થળ બાબતે પણ કોઈની ઘટાદાર ઝાડના ઝુંડ અંદર તો કોઈની વળી ઉંચી અંકાશેલી ડાળ પર પસંદગી ઉતરતી હોય છે.
