સૌરાષ્ટ્રમાં વરસાદ જ આવ્યો નહિ .આજે ભવિષ્યવાણી સાચી નથી પડતી એટલે એક શબ્દનો પ્રયોગ થાય છે . તેનું નામ છે અલનીનો. શું છે આ અલનીનો ? આ શબ્દ એક ધર્મગ્રંથમાંથી લેવાયેલો શબ્દ છે. “અલ નીનો ડે નાવિદાદ” જેનું ગુજરાતી થાય છે “ભગવાનનું બાળક” કારણ કે ડિસેમ્બરમાં ઈસુ ખ્રિસ્તના જન્મની આસપાસ દરિયાનું ગરમ પાણી તેની ચરમસીમાએ પહોંચે છે .સ્પેનિશમાં, ‘અલ નીનો’ નો શાબ્દિક અર્થ “છોકરો” થાય છે. પણ આ ઉદંડ,નટખટ છે, આને તમે પકડી નથી શકતા. તેને ખોળામાં બેસાડીને જરા બીજી તરફ જોવો કે તે છટકી જાય છે. બધું ઢોળી ફોડી નાખે તેવું અલ્લડ તોફાની છે આ બાળક.
