કપાસની ખેતી હોય કે શાકભાજીની બધામાં હવે ચૂસિયા જીવાતનો ઉપદ્રવ વધી રહ્યો છે. ત્યારે યોગ્ય મોલેકયુલની પસંદગી કરો એકને એક ગ્રુપની દવા વારંવાર છાંટો નહિ , તમે જયારે દવા ખરીદો ત્યારે તમારી ડાયરીમાં ક્યુ મોલેક્યૂલની દવા તમે ભાગીયાને આપી તે નોંધ કરો અને દવા છંટાયા પછી અવલોકન નોંધોકે દવા કામ કરી કે નહિ ? . દા.ત. તમે ખેતરમાં આંટો મારવાની કળા જાણો છો તો વહેલી સવારે તમે ખેતરમાં ૨૦ છોડ પસંદ કરીને અવલોકન કરો છો તમારી પાસે હીરા ધસવાવાળા રાખે તેવો આઈ-ગ્લાસ, બીલોરી કાચ પણ હોવો જોઈએ તો તમે સાચા ખેડૂત છો નહીંતર ? જયારે તમને ખબર પડે છે કે ચૂસિયા જીવાતનો ઉપદ્રવ છે ત્યારે એક વાત ફરીવાર નોંધો કે તમે વેપારી પાસે જાવ છો વેપારી તમને થાયોમીથોકઝામ ગૃપની દવામાંથી એકતારા આપે છે. વાતાવરણ સતત વાદળછાંયું છે ગરમીનું પ્રમાણ છે , ચૂસીયાનો ઉપદ્રવ એમને એમ છે તમે ફરી વાર વેપારીને કહો છો…હવે તે તમને રેનોવા કે એવીડન્ટ આપે છે તમને ખબર હોવી જોઈએ કે ઉપર દર્શાવેલી ત્રણેય દવા માં અસલ તત્વ તમે અગાઉ છાંટેલ દવાનું થાયોમેથોકઝામ જ છે તે ફરી ફરી છાંટીને તમે શું ચુસીયાને રીઢા કરી દેવા માંગો છો ? તો આવું ત્રણવાર તમે કરશો તો ચુસીયા અસલ તત્વ સામે પ્રતિકારશક્તિ કેળવી લેશે તેને બદલે તમારે ગૃપ બદલવું જોઈએ. દવાની માહિતી કૃષિવિજ્ઞાનમાં રોજ જરૂર મળશે તે મારે તમારે કૃષિ વિજ્ઞાન ફેસબુક કે ટેલિગ્રામ કે પછી વોટ્સએપ માં મેળવવા જોડાવું જોઈએ