ખેતીમાં જમીન, પાણી, ખાતર અને ખેડૂતની મહેનત જેટલું જ મહત્વ ગુણવત્તાયુક્ત બીજનું છે. ઉત્તમ બીજ માત્ર સારો ઉગાવો જ આપતું નથી, પરંતુ પાકને મજબૂત બનાવે છે, રોગો સામે લડવાની ક્ષમતા વધારે છે અને અંતે વધુ ઉત્પાદન સાથે ખેડૂતોને વધુ આવક પણ અપાવે છે. એટલે જ કૃષિ નિષ્ણાતો હંમેશા કહે છે કે “સારી ખેતીની શરૂઆત સારા બીજથી થાય છે.”
આબોહવામાં સતત થઈ રહેલા ફેરફારો, વધતો ખેતી ખર્ચ અને બજારમાં સ્પર્ધાને ધ્યાનમાં રાખીને આજે ખેડૂતો એવી હાઈબ્રિડ જાતોની પસંદગી કરે છે, જે ઓછા ખર્ચે વધુ ઉત્પાદન આપે અને મુશ્કેલ પરિસ્થિતિઓમાં પણ સારું પ્રદર્શન કરે. આવી જરૂરિયાતને ધ્યાનમાં રાખીને નિધી સીડ્સ ખેડૂતો માટે ગુણવત્તાયુક્ત હાઈબ્રિડ બીજ ઉપલબ્ધ કરાવી રહ્યું છે.

દિવેલા – ઓછા ખર્ચે વધુ નફાકારક તેલીય પાક
દિવેલા (Castor) ગુજરાતનો મહત્વનો તેલીય પાક છે. ઓછા પાણીમાં પણ સારી રીતે વિકાસ કરવાની તેની ક્ષમતા, વિવિધ પ્રકારની જમીનમાં અનુકૂળતા અને ઔદ્યોગિક ક્ષેત્રે તેના તેલની સતત માંગને કારણે આ પાક ખેડૂતો માટે નફાકારક વિકલ્પ બન્યો છે. યોગ્ય સમયે વાવણી, સંતુલિત પોષણ વ્યવસ્થાપન અને ગુણવત્તાયુક્ત હાઈબ્રિડ બીજનો ઉપયોગ કરવામાં આવે તો દિવેલામાં ઉત્તમ ઉત્પાદન મેળવી શકાય છે.

દિવેલાની વાવણી માટે યોગ્ય સમય
પિયત ખેતી
પિયત વિસ્તારમાં દિવેલાની વાવણી 15 ઓગસ્ટ પછી કરવી વધુ અનુકૂળ માનવામાં આવે છે. આ સમયગાળા દરમિયાન વાવણી કરવાથી ઘોડિયા ઈયળ અને ડોડવા કોરી ખાનાર ઈયળના ઉપદ્રવનું પ્રમાણ ઘટે છે, જેના કારણે પાકનું રક્ષણ સરળ બને છે.
બિનપિયત ખેતી
બિનપિયત વિસ્તારમાં સારો વાવણીલાયક વરસાદ થયા બાદ જુલાઈ માસના બીજા પખવાડિયામાં વાવણી કરવાથી પાકને પ્રારંભિક વૃદ્ધિ માટે અનુકૂળ ભેજ મળી રહે છે.

નિધી 777+ – ઉચ્ચ ઉપજ આપતી હાઈબ્રિડ જાત
મુખ્ય વિશેષતાઓ:
લાલ રંગના થડવાળી જાત
પ્રતિ છોડ 6 થી 8 ડાળીઓ
મુખ્ય માળની લંબાઈ 95–100 સે.મી.
છોડની ઊંચાઈ 165–170 સે.મી.
સુકારાના રોગ સામે વધુ સહનશીલ
આ લક્ષણો પાકને મજબૂત બનાવે છે અને વધુ ઉત્પાદન મેળવવામાં મદદરૂપ થાય છે.

નિધી 999+ – ઊંચી ઉપજ આપતી હાઈબ્રિડ જાત
મુખ્ય વિશેષતાઓ:
લાલ રંગના થડવાળી જાત
મુખ્ય માળની લંબાઈ 90–95 સે.મી.
ડોડવા ખરવા સામે અને સુકારાના રોગ સામે વધુ સહનશીલ

યોગ્ય બીજ – વધુ ઉપજની ખાતરી
ખેતીમાં સફળતા માત્ર મહેનત પર આધારિત નથી, પરંતુ યોગ્ય આયોજન અને યોગ્ય બીજની પસંદગી પર પણ આધાર રાખે છે. જો ખેડૂત શરૂઆતમાં ગુણવત્તાયુક્ત હાઈબ્રિડ બીજ પસંદ કરે, તો ઉત્પાદન વધારવાની સાથે ખેતીમાં જોખમ પણ ઘટાડી શકાય છે.
દિવેલાની ખેતીમાં વધુ ઉત્પાદન, વધુ નફો અને વિશ્વાસપાત્ર પરિણામ મેળવવા માટે નિધી 777+ અને નિધી 999+ જેવી હાઈબ્રિડ જાતો ખેડૂતો માટે ઉત્તમ વિકલ્પ બની શકે છે.
આ સિઝનમાં વાવણી પહેલાં ઓથોરાઇઝડ ડીલરનો સંપર્ક કરો અને નિધી સીડ્સના ગુણવત્તાયુક્ત હાઈબ્રિડ દિવેલા બીજ સાથે સફળ ખેતીની શરૂઆત કરો.