ખેતીની સમૃઘ્ધની વાત આવે ત્યારે વેલ્યુ એડીશન એટલે કે મુલ્યવર્ધન કરીને માલ વેચવામાં ખુબ લાભ થઈ શકે. દા.ત. તમે આ વર્ષે મરચીનું વાવેતર કર્યું છે તમે લાલા મરચા કરીને યાર્ડમાં સુકા વેચવાનો છો ત્યારે કેવો ભાવ રહેશે તે તો સમય જ કહેશે પરંતુ એક અખતરો કરો. આ વર્ષે બે મણ કે ત્રણ મણ સુકા મરચાનો પાવડર કરી તેને તેલનું મોણ આપી મરચા પાવડરના ૫૦૦ ગ્રામ, એક કિલોના પેકિંગ બનાવી વેચાણ કરવાનું આયોજન કરો. થેલી ઉપર તમારા નામનું સ્ટીકર મારો અને જો આ તમે કરવાનું વિચારો તો અત્યારથી જ તમારા મોબાઈલમાં સગાસંબંધી, મિત્રો, દીકરા દીકરીના સગા, વેવાઈ, કાકા-મામાના દિકરા વગેરેના મોબાઈલ નંબરનું વોટ્સઅપ ગૃપ બનાવો.
